Paneli Shqyrtues për të Drejtat e Njeriut - Raport për seancënKomunikatë për shtyp Paneli për Shqyrtimin e të Drejtave të Njeriut (Paneli) ka mbajtur seancën e parë për vitin 2015, nga data 3 deri më 5 shkurt 2015. Paneli për Shqyrtimin e të Drejtave të Njeriut (Paneli) ka mbajtur seancën e 25-të nga data 20 deri më 22 prill 2015. Në lëndën X dhe 115 ankues të tjerë kundër EULEX-it, Paneli ka konstatuar se EULEX-i Kosovë ka shkelur të drejtën e ankuesve për një mjet juridik efektiv të garantuar me nenin 13 të Konventës Evropiane për të Drejtat e Njeriut. Ankesa është paraqitur nga 116 persona romë të zhvendosur brenda vendit (PZhBV), të cilët ishin zhvendosur gjatë konfliktit të vitit 1999 dhe ishin vendosur në disa kampe të PZhBV-së. Paneli ka konstatuar se dështimi i EULEX-it për të nisur një hetim rreth shkeljeve të pretenduara të të drejtave të ankuesve ka rrezikuar mundësinë e tyre që të kenë një mjet juridik efektiv për dëmin që kishin pësuar. Paneli po ashtu ka bërë rekomandime tek shefi i Misionit për masa korrigjuese. Paneli ka marrë një vendim të përbashkët në lëndët e parashtruara nga dhjetë qytetarë serbë, të cilët ishin arrestuar dhe gjoja se ishin rrahur nga policë të Policisë së Kosovës, atëherë kur ata merrnin pjesë në festimet e krishtlindjeve në manastirin e Graçanicës në vitin 2013. Paneli ka konsideruar se EULEX-i ka bërë gjithë atë çfarë ka qenë e mundur në ato rrethanë dhe se ajo situatë rreth së cilës ka pasur ankesë nuk ka përbërë shkelje të së drejtës së ankuesve që mund t’i atribuohej EULEX-it. Pesë lëndë të tjera janë gjetur të papranueshme. Në tre prej tyre Paneli ka shpallur se i mungon juridiksioni për t’i shqyrtuar ato, pasi ato kanë të bëjnë me procedurat pranë gjykatave të Kosovës. Në një lëndë Paneli ka konstatuar se nuk ishte treguar se EULEX-i ishte i përfshirë në ndonjë cilësi në çështjet rreth të cilave ka pasur ankesë. Në një lëndë tjetër Paneli ka konstatuar se ankesa ishte e parakohshme, pasi procedurat rreth të cilëve ka pasur ankesë ishin ende të pazgjidhura. Të gjitha vendimet do të publikohen në faqen e internetit të Panelit, pasi të përkthehen në gjuhën shqipe dhe serbe. Seanca e ardhshme e Panelit është planifikuar të mbahet në mesin e qershorit 2015. Tani për tani në Panel janë 29 lëndë të pazgjidhura. 15 prej të tyre u janë komunikuar palëve për vërejtje rreth pranueshmërisë dhe bazueshmërisë së tyre. Në dy lëndë Paneli i ka bërë rekomandime shefit të Misionit për masa korrigjuese dhe është në pritje të përgjigjes së tij. Lëndët e tjera janë në shqyrtim e sipër. Për më shumë informata rreth Panelit, ju lutemi vizitoni www.hrrp.eu. Shënim për redaktorin, |
|